Trump pranon se politikat e tij kundër emigrantëve ishin shumë të ashpër

Presidenti i SHBA-së, Donald Trump, ka bërë një analizë publike të arsyeve përse partia e tij republikane pati rezultate aq të dobëta në zgjedhjet e javës së kaluar. Në një intervistë për rrjetin televiziv CBS, Trump përmendi ndër faktorët kryesorë Iranin dhe komunikimin e dobët. Megjithatë, ai e pohoi se edhe fushata e ashpër e administratës së tij kundër klandestinëve, gjatë së cilës mijëra emigrantë pa dokumente u arrestuan dhe u dëbuan, kishte shkuar shumë larg. “Ishte ca si shumë e ashpër si politikë, e pranoj. Mendoj se mund të ketë qenë vërtet tepër e ashpër”, tha Trump, duke iu referuar veçanërisht emigrantëve që kanë jetuar në vend prej dhjetë vitesh ose më shumë, pa kryer krime të rënda. Ky ishte një rrëfim domethënës nga ana e kreut të administratës amerikane, që tregoi kështu se një çështje mbi të cilën ndërtoi fushatën e tij zgjedhore në vitin 2024, brenda dy vitesh është kthyer në një temë politikisht të dëmshme. Në prapaskenë, Trump ka shprehur rezerva për disa nga metodat që administrata e tij ka përdorur për të ndaluar dhe deportuar emigrantët. Megjithatë, mbetet e paqartë nëse Trump po shqyrton ndonjë ndryshim në axhendën e tij për emigracionin, edhe pas pranimit se politikat e ndjekura kanë qenë vecanerisht të ashpra. Ai së fundi emëroi arkitektin e këtyre politikave, Stephen Miller, në postin e shefit të ri të kabinetit të tij.