Policia e Shtetit ngre alarmin për mashtrimet me SMS: Kujdes me mesazhet në emër të institucioneve

Policia e Shtetit ka ngritur alarmin për përhapjen e fushatave të reja të mashtrimit përmes mesazheve SMS, të njohura si smishing. Këto fushata vijnë në vijim të rasteve të evidentuara më parë, ku autorët, duke u prezantuar në mënyrë të rreme si institucione bankare, kanë tentuar të mashtrojnë qytetarët përmes faqeve të falsifikuara të internetit.

Mesazhet përmbajnë lidhje elektronike (linke), të cilat i orientojnë qytetarët drejt faqeve të falsifikuara të internetit, që imitojnë faqet zyrtare të institucioneve përkatëse. Qëllimi i këtyre fushatave është mashtrimi i qytetarëve për të siguruar të dhënat e tyre personale dhe bankare.

Policia e Shtetit u bën thirrje qytetarëve të mos klikoni në lidhje të dyshimta të dërguara përmes SMS-ve, pavarësisht institucionit në emër të të cilit paraqiten. Mos vendosni të dhënat e kartave bankare, kodet CVV/CVC apo kodet e verifikimit në faqe të hapura përmes këtyre mesazheve. Verifikoni çdo njoftim për pagesa gjoba.