Greqia: Projekti i kabllit elektrik Greqi-Qipro, nuk kërkuam leje nga asnjë shtet tjetër

Zëdhënësi i qeverisë greke, Pavlos Marinakis, ka deklaruar se Greqia nuk kërkuar leje nga asnjë shtet tjetër për realizimin e projektit të ndërlidhjes elektrike mes Greqisë dhe Qipros. Ai ka theksuar se procedurat për projektin janë zhvilluar përmes autoriteteve greke dhe qipriote, në përputhje me rregullat dhe të drejtën ndërkombëtare.

Marinakis ka deklaruar se nota diplomatike e Francës nuk përbën autorizim dhe nuk sjell asnjë pasojë juridike që mund të interpretohet si njohje e të drejtave sovrane të një shteti tjetër. Ai ka konfirmuar se pala greke ishte në dijeni të komunikimit diplomatik francez dhe se Franca ka interes të drejtpërdrejtë në projekt, pasi në të janë përfshirë dy kompani franceze.

Marinakis ka theksuar se Greqia nuk do të bëjë kompromis për çështjet e sovranitetit, por njëkohësisht do të synojë ruajtjen e paqes dhe stabilitetit në rajon. Ai ka deklaruar se Greqia duhet ta çojë përpara këtë projekt në një mënyrë që garanton ruajtjen e paqes në rajon, pa asnjë tërheqje.

Në përfundim, Marinakis ka hodhi poshtë interpretimet se komunikimi diplomatik i Francës përbën një formë autorizimi nga Turqia, duke garantuar se projekti i ndërlidhjes elektrike mes Greqisë dhe Qipros do të vijojë pa vënë në diskutim të drejtat sovrane të dy vendeve.