Rama: Shqipëria do të mbyllë negociatat për anëtarësimin në BE në fund të 2027-së
Kryeministri Edi Rama tha se Shqipëria synon të mbyllë negociatat për anëtarësimin në Bashkimin Europian në fund të vitit 2027, nëse çdo gjë shkon mirë. Ai tha se procesi do të varet edhe nga zhvillimet brenda BE-së dhe se nuk mund të japë premtime për një proces që nuk varet vetëm nga Shqipëria.
Gjatë bashkëbisedimit në Forumin e Paqes në Paris, kryeministri Edi Rama foli për emigracionin, zhvillimin ekonomik të Shqipërisë dhe procesin e anëtarësimit në Bashkimin Europian. Ai tha se Shqipëria ka ndryshuar ndjeshëm gjatë dhjetë viteve të fundit dhe se për integrimin në BE theksoi se synimi është mbyllja e negociatave në fund të vitit 2027, nëse gjithçka shkon mirë.
Rama tha se nuk e sheh emigracionin si një prirje në rritje, por si pjesë e një rrugëtimi që lidhet me zhvillimin e vendit dhe rritjen e pritshmërive të qytetarëve. Ai tha se vendi zhvillohet, pagat rriten, ekonomia rritet, turizmi, pritshmëritë e njerëzve po ashtu.
Ndërsa duke folur për anëtgarësimin në Bashkimin Europian, kreu i qeverisë tha se nuk mund të japë premtime për një proces që nuk varet vetëm nga Shqipëria. Ai tha se procesi do të varet edhe nga zhvillimet brenda BE-së dhe se nuk mund të thotë se çka do të ndodhë në të ardhmen.
Rama theksoi se demokracia është një kapitull që nuk mbaron kurrë dhe se nuk është e përfunduar. Ai tha se ka shumë punë për të bërë për të përsosur demokracinë dhe se edhe Franca nuk e ka përfunduar këtë punë.