Shqipëria në një grup me Gjermaninë, Slloveninë dhe Finlandën në EURO 2028

Një simulim i shortit për kualifikueset e EURO 2028 ka shfaqur një skenar të interesantë për Shqipërinë. Kuqezinjtë janë vendosur në një grup me Gjermaninë, Slloveninë dhe Finlandën, një kombinim që vlerësohet si "short i favorshëm" për Shqipërinë. Simulimi ka realizuar mbi bazën e rregullave dhe kufizimeve të UEFA-s dhe ka rezultuar në një grup që është konsideruar si një "short i favorshëm" për Shqipërinë.

Në këtë skenar, Gjermania është padyshim kundërshtari më i fortë, ndërsa beteja për vendin e dytë do të zhvillohej kryesisht mes Shqipërisë dhe Sllovenisë. Finlanda përbën gjithashtu një rival të rrezikshëm, por në letër është një kundërshtar i kapshëm. Gjibraltari, me vetëm 1022 pikë Elo, është ekipi më i dobët i të gjithë simulimit dhe një mundësi e mirë për të siguruar pikët e plota.

Simulimi ka treguar se Shqipëria ka një mundësi të mirë për të përfituar nga një short i favorshëm, por gjithçka nis me betejën për vendin e parë në Nations League. Fitorja ndaj Finlandës në ndeshjen e radhës do ta çonte Kombëtaren në 12 pikë, por nuk do të siguronte ende matematikisht vendin e parë në grupin C1 të Nations League. Bjellorusia mund të arrijë në 13 pikë nëse fiton dy ndeshjet e mbetura. Kuqezinjtë do ta siguronin kreun nëse Bjellorusia nuk fiton ndaj San Marinos ose, në rast të kundërt, nëse Shqipëria nuk humbet në transfertën e fundit ndaj saj.

Përfundimi në vendin e parë ka rëndësi të veçantë: fituesit e grupeve të Ligës C pozicionohen në vazon e tretë për shortin e kualifikueseve, ndërsa vendet e dyta në vazon e katërt. Pra, fitorja ndaj Finlandës nuk e ndryshon automatikisht vazon, por do ta afronte ndjeshëm Shqipërinë me sigurimin e saj dhe do të shmangte rrezikun e një shorti më të vështirë.

Shorti real i kualifikueseve të EURO 2028 do të hidhet më 6 dhjetor në Belfast. Deri atëherë, Gjermania, Sllovenia, Finlanda dhe Gjibraltari mbeten vetëm kundërshtarët e një skenari që, të paktën në letër, Shqipërisë do t’i buzëqeshte.