Zbardhen detajet e aksionit në Spitalin Rajonal Fier
Drejtori i Spitalit Rajonal të Fierit, Arben Voja, është arrestuar me urdhër të SPAK për tjetërsimin e 44 mijë metrave katrorë tokë shtetërore.

Drejtori i Spitalit Rajonal të Fierit, Arben Voja, është arrestuar sot me urdhër të SPAK. Ai po hetohej nga Prokuroria e Fierit për tjetërsimin e 44 mijë metrave katrorë tokë shtetërore, që i janë dhënë një biznesmeni për ndërtimin e një impianti fotovoltaik. Hetimi lidhet me periudhën kur Arben Voja drejtonte Kadastrën e Fierit.
Për çështjen mësohet të jenë arrestuar edhe një ish-jurist i Kadastrës, një hartografe dhe një notere, ndërsa në pyetje po merren edhe punonjës të tjerë të institucionit. Aktualisht Arben Voja po qëndron në ambientet e policisë së Fierit, ndërsa po merret në pyetje nga dy prokurorë të SPAK.