"Balluku merr qeverinë, Toni Gogu ka 24 orë për të bindur Ballukun, sipas Currit
Analisti Arjan Curri pretendon se disponon informacione për një takim mes kryeministrit Edi Rama dhe zv.kryeministres Belinda Balluku, ku Balluku ka parashtruar kërkesa për ndryshime në kabinetin qeveritar.

Zhvillime të forta dhe skenarë të mundshëm për riorganizimin e qeverisë diskutohen në emisionin e sotëm të “Top Story”. Analisti Arjan Curri pretendon se disponon informacione për një takim mes kryeministrit Edi Rama dhe zv.kryeministres Belinda Balluku, ku kjo e fundit thuhet se ka parashtruar kërkesa për ndryshime në kabinetin qeveritar.
Curri theksoi se bëhet fjalë për informacione të pakonfirmuara, të cilat duhen marrë me rezervë. “Kam informacione totalisht të ndryshme për një takim të zhvilluar mes Ramës dhe Ballukut, është bërë me thirrjen e të parit dhe Rama i ka thënë Ballukut se çfarë do të bëjmë në Asamble”, tha Curri.
Balluku sipas informacioneve të mia ka thënë: “Dëgjo Edi, kam zhdukur të gjithë armiqtë e tu, Veliajn që deshi të ndizte protestat, Spiropalin që të shau deri në Gjermani, Sara Milen që të kërcënonte me të fortët e Elbasanit. A ka kuptim të ndajmë qeverinë mes disa aksionerëve? Çfarë do të bëjmë me Gogun, do ta mbajmë akoma? Po sikur ta heqim atë dhe të kthejmë Vëngun?”.
Për këtë, Curri tha se Toni Gogu ka 24 orë për të bindur Ballukun se nuk është vetëm me Ramën, por edhe me të. “Përse të mos i japim Malajt edhe Ekonominë dhe Mjedisin? Gogu me shumë mundësi do të hiqet pasnesër. Përse të mos i japim Karakaçit edhe postin e ministrit të jashtëm? Këto informacione nuk i kam të konfirmuara, mund të jenë për të shpërndarë vëmendjen”, tha Curri.