Rama: Në 2027 nis përgatitja e traktatit të anëtarësimit në BE
Kryeministri Edi Rama ka mbajtur fjalën përmbyllëse në Asamblenë Kombëtare të Partisë Socialiste, duke vënë theksin te procesi i integrimit europian dhe mobilizimi i strukturave të PS-së.

Pas një seance të mbyllur për çështje të brendshme, Kryeministri Edi Rama ka drejtuar fjalën drejt të gjithë familjes socialiste dhe të gjithë ata që ndjekin Partinë Socialiste. Ai ka thënë se ka momente në jetën e një vendi kur politika duhet të ngrihet mbi valët e zhurmave të ditës dhe të shohë përtej tymit të përplasjes së radhës.
Rama ka përmendur se Komisioni Europian ka bërë një rekomandim historik për Shqipërinë, i cili është konfirmimi më kuptimplotë dhe më i padiskutueshëm se vendi ecën në drejtimin e duhur dhe se Shqipëria është në pikën e saj më të lartë si shtet dhe si shoqëri në ngjitje drejt majës së bashkimit përfundimtar me familjen e shteteve dhe shoqërive europiane.
Ai ka thënë se në vitin 2027 do të niset përgatitja për të hartuar traktatin e anëtarësimit të Shqipërisë në Bashkimin Europian dhe ka thirrur të gjithë shqiptarët dhe shqiptarët për të bërë këtë realitet. Rama ka përmendur se kjo është një faqe e fundit e historisë që po e shkruajnë ne, Partia Socialiste e Shqipërisë, me besimin e shumicës së shqiptarëve.
Rama ka kujtuar se si në 2013 njerëzit na kërkonin gjëra krejt elementare dhe se si kur ne filluam reformën e energjisë, Shqipëria filloi të zgjohej me ndjesinë që kishte filluar një faqe e re e shtet bërjes. Ai ka thënë se sot qytetet tona kanë probleme, por Tirana sot është kryeqytet europian dhe qytetet tona janë qytete me probleme, nuk janë vendbanime pa qytet.
Rama ka thënë se pas togfjalëshit “traktati i anëtarësimit të Shqipërisë në Bashkimin Europian’’ nuk jemi vetëm ne këtu, një pafundësi njerëzish, ndër ata pikërisht edhe njerëz të administratës së shumë anatemuar dhe që goditet përditë e përditë e përditë, ndërkohë që ka në gjirin e vet mijëra e mijëra punonjës të dinjitetshëm, shërbëtorë të padukshëm të shtetit dhe të publikut.