Kronikë
Shpërthim me lëndë plasëse në Patos, porta e banesës së një njeriu në "arrest shtëpie" është dëmtuar
Një ngjarje e dyshuar me lëndë plasëse është regjistruar në Patos, ku porta e banesës së një njeriu në "arrest shtëpie" është dëmtuar.

Një ngjarje e dyshuar me lëndë plasëse është regjistruar në orët e para të mëngjesit të kësaj të hëne në Patos. Sipas njoftimit të policisë, rreth orës 05:05, 33-vjeçari Mateos Pashaj, i cili ndodhet me masë sigurie “Arrest në shtëpi”, ka njoftuar sallën operative se i është dëmtuar porta rrethuese e banesës, dyshohet si pasojë e përdorimit të lëndës plasëse. Grupi hetimor, nën drejtimin e Prokurorisë, po vijon hetimet për të zbardhur rrethanat dhe dokumentuar ligjërisht ngjarjen.