Bushi: Kundërshtar i nivelit të lartë, do luftojmë me shpirt
Trajneri i Kombëtares U21, Alban Bushi, ka thënë se Spanja është një kundërshtar i nivelit të lartë teknik, por se Shqipëria ka identitetin, karakterin dhe disiplinën e duhur për të përballuar këtë sfidë.

Trajneri Alban Bushi ka thënë se Spanja është një kundërshtar i nivelit të lartë teknik, por se Shqipëria ka identitetin, karakterin dhe disiplinën e duhur për të përballuar këtë sfidë. "Spanja është një ekip me potencial shumë të lartë teknik. Atyre u pëlqen që ta mbajnë topin, ta zotërojnë atë, të bëjnë shumë vertikalizime. Kemi punuar dhe do të mundohemi që të mos i japim hapësira që ata të gjejnë vetveten në ato hapësira që kërkojnë", tha Bushi.
Bushi ka thënë se ekipi i Shqipërisë është një ekip që ka shumë karakter dhe disiplinë, dhe se do të mundohemi ta godasim Spanjën aty ku ajo ka defektin më të madh, hapësirat që lë kur është në sulm. "Kemi punuar shumë që ta kapim aty dhe besoj që do ta kapim", tha Bushi.
Trajneri i Kombëtares U21 ka thënë se do të bëjmë 5-6 ndryshime në formacion, për t’i dhënë freski skuadrës, dhe se ekipi është në gjendje të mirë fizike. "Do të bëjmë 5-6 ndryshime, sepse ekipi do një freski, sepse me Luksemburgun ka lojtarë që luajtën nga 90 ose 70 minuta dhe ka nevojë për një freski. I kemi lojtarët e tjerë të duhur për pozicionin ku ata do të luajnë ose për mënyrën e lojës që ne kemi", tha Bushi.
Bushi ka bërë edhe një apel për tifozët që të jenë të pranishëm në Arenën Kombëtare për të mbështetur skuadrën kuqezi. "Ne jemi ekip shumë i fortë. Por, me publikun, sa më shumë që të jenë, aq më shumë të fortë bëhemi. Publiku duhet ta kuptojë dhe ata besoj që e dinë se u bënë shumë vite që e mbështesin shumë ekipin Kombëtar, sidomos Kombëtaren A, por edhe Kombëtaret e moshave", tha Bushi.