Tarran: Reforma Zgjedhore duhet të përshpejtohet për të rritur besimin publik
Kryetari i Prezencës së OSBE-së në Shqipëri, Michel Tarran, ka kërkuar përparim në Reformën Zgjedhore, në prag të zgjedhjeve vendore të 9 majit 2027.

Kryetari i Prezencës së OSBE-së në Shqipëri, ambasadori Michel Tarran, ka takuar bashkëkryetarët e Komisionit të Posaçëm Parlamentar për Reformën Zgjedhore, Damian Gjiknurin dhe Oerd Bylykbashin. Tarran ka diskutuar hapat që duhet të ndërmerren për vijimin e procesit të Reformës Zgjedhore. Zbatimi i rekomandimeve të OSBE/ODIHR-it ka qenë në fokus të takimit. Ambasadori Tarran ka vënë theksin te rëndësia e arritjes së rezultateve përpara përfundimit të mandatit të Komisionit, më 30 nëntor. Sipas OSBE-së, përmbushja e këtyre rekomandimeve duhet të bëhet në kohën e duhur, përmes një procesi gjithëpërfshirës dhe ndërpartiak. Ambasadori Tarran ka theksuar se përparimi në reformën zgjedhore është thelbësor për rritjen e besimit të publikut te proceset zgjedhore. Prezenca e OSBE-së në Shqipëri ka rikonfirmuar angazhimin për të mbështetur dialogun politik konstruktiv dhe një proces gjithëpërfshirës të reformës zgjedhore, në prag të zgjedhjeve vendore të vitit 2027.