Premier League/ Danezi për Crystal Palace, ish trajneri i Tottenham kthehet në Londër
Trajneri danez Thomas Frank kthehet në Londër për të marrë vendin e Pierre Sage në Crystal Palace.

Trajneri danez Thomas Frank ka nënshkruar një kontratë me Crystal Palace deri në qershor të 2029. Ai merr në dorëzim një skuadër që pozicionohet në vendin e fundit të Premier Leage me vetëm 7 pikë të grumbulluara në 10 javët e para të kampionatit. Frank merr në dorëzim një skuadër që nuk është fort mirë edhe në Europa League, pozicionohet në vendin e 21, një pozicion që në këtë moment të çon në fazën e playoffit. Ai ka drejtuar për 7 vjet Brentford në 2018-2025, një periudhë që ka qenë e suksesshme dhe në 2021 ai e ndihmoi këtë skuadër të ngjitet në Premier League. Ai e ndihmoi këtë skuadër që të jetë rregullisht në këtë kategori duke regjistruar si rezultatin më të mirë vendin e nëntë në sezonin 2022/23. Në verën e vitit 2025, Frank u transferua te Tottenham për të zëvendësuar Ange Postecoglou që u largua menjëherë pas triumfit në Europa League. Por aventura e danezit me Hotspurs u mbyll pas vetëm 8 muajsh duke e lënë Tottenham në vendin e 16. Thomas Frank do të bëjë debutimin e tij me Crystal Palace me ndeshjen ndaj Coventry që do të luhet ditën e shtunë.