SHBA-të intensifikojnë përpjekjet për paqe në Ukrainë, Witkoff dhe Kushner takohen me zyrtarët evropianë në Berlin
Përpjekjet diplomatike për t’i dhënë fund luftës në Ukrainë janë intensifikuar, me administratën amerikane që po kontaktet me Kievin, vendet evropiane dhe Moskën. Të dërguarit specialë të presidentit amerikan, Steve Witkoff dhe Jared Kushner, planifikojnë të takohen në Berlin me zyrtarë ukrainas dhe evropianë për të diskutuar garancitë e sigurisë për Ukrainën dhe një plan për rimëkëmbjen ekonomike të vendit.

Përpjekjet diplomatike për t’i dhënë fund luftës në Ukrainë janë intensifikuar, me administratën amerikane që po kontaktet me Kievin, vendet evropiane dhe Moskën. Të dërguarit specialë të presidentit amerikan, Steve Witkoff dhe Jared Kushner, planifikojnë të takohen në Berlin me zyrtarë ukrainas dhe evropianë për të diskutuar garancitë e sigurisë për Ukrainën dhe një plan për rimëkëmbjen ekonomike të vendit.
Takimi në kryeqytetin gjerman vjen një javë pasi Witkoff dhe Kushner i kërkuan Moskës të paraqiste propozime konkrete për një kornizë të re sigurie në Evropë pas luftës. Uashingtoni e konsideron këtë proces pjesë të përpjekjeve për të krijuar kushtet e nevojshme për një marrëveshje që do t’i japë fund konfliktit.
Sipas zyrtarit amerikan, prioriteti i bisedimeve në Berlin është hartimi i garancive që do të pengonin Rusinë të sulmonte sërish Ukrainën, si dhe përcaktimi i hapave për rindërtimin e ekonomisë ukrainase. Witkoff dhe Kushner kanë zhvilluar kontakte të vazhdueshme me përfaqësuesit e Ukrainës dhe vendeve evropiane, ndërsa paralelisht kanë mbajtur komunikimin edhe me Moskën.
Takimi në Berlin dhe vizita e Trump në Kinë janë përshkruar nga administrata amerikane si pjesë e një përpjekjeje të koordinuar diplomatike. Në zhvillimet e negociatave janë informuar edhe sekretari amerikan i Shtetit, Marco Rubio, sekretari i Thesarit, Scott Bessent, si dhe shefi i kabinetit të Shtëpisë së Bardhë, Stephen Miller.
Përpjekjet diplomatike janë intensifikuar edhe në drejtim të Kremlinit. Witkoff dhe Kushner u takuan me presidentin rus Vladimir Putin në Moskë të enjten e kaluar, ndërsa të hënën zhvilluan një tjetër bisedë me këshilltarin e politikës së jashtme të Putinit, Yuri Ushakov, për të diskutuar hapat e ardhshëm të negociatave.
Javën e kaluar, Axios raportoi se Shtetet e Bashkuara i kishin kërkuar Rusisë të paraqiste një propozim për sigurinë evropiane, ku të përfshiheshin masa konkrete për uljen e tensioneve. Megjithatë, qeveritë evropiane mbeten skeptike për gatishmërinë e Moskës për të respektuar një marrëveshje të mundshme.
Ndërkohë, vëmendja diplomatike do të përqendrohet edhe në Kinë, ku Donald Trump pritet të takohet me presidentin rus Vladimir Putin dhe atë kinez Xi Jinping. Presidenti amerikan ka deklaruar se pret të diskutojë me të dy udhëheqësit edhe për luftën në Ukrainë. Zhvillimet e kësaj jave pritet të tregojnë nëse përpjekjet e reja diplomatike mund të sjellin përparim konkret drejt një marrëveshjeje paqeje.