Ish-ministri Beqaj kërkon ndryshim të masës shtëpiake, ofron garanci 2 milionë lekë
Ish-ministri i Shëndetësisë, Ilir Beqaj, ka drejtuar Gjykatën e Lartë me një rekurs për ndryshimin e masës shtëpiake që i është caktuar, duke ofruar garanci në shumën e 2 milionë lekësh.

Ish-ministri i Shëndetësisë, Ilir Beqaj, i është drejtuar sot me rekurs Gjykatës së Lartë, duke kërkuar ndryshimin e masës shtëpiakë, bën me dije gazetarja e Top Channel, Anila Hoxha. Teksa u lirua pas më shumë se dy vitesh në burg dhe iu caktua masa e arrestit në shtëpi, Beqaj i kërkon Gjykatës së Lartë që masa e fundit t’i zëvendësohet me garanci pasurore në shumën prej 2 milionë lekësh. Ai i ka lënë në dorë gjykatës edhe një opsion tjetër për shumën, në një vlerë që ajo e çmon të arsyeshme. Kjo kërkesë vjen në kohën kur ish-ministri i është drejtuar disa herë Gjykatës për ndryshim mase, dhe i ishte refuzuar.