Sherri në burgun e Shkodrës përfundon me plagosje, policia zbulon një telefon në dhomën e të arrestuarit
Një konflikt fizik mes tre të dënuarve është regjistruar në IEVP Shkodër, duke shkaktuar plagosje në një prej tyre. Policia ka arrestuar një të dënuar dhe ka proceduar penalisht një tjetër, duke gjetur gjithashtu një aparat celular në dhomën e të arrestuarit.

Një konflikt fizik mes tre të dënuarve është regjistruar një ditë më parë në IEVP Shkodër, ku një prej tyre ka mbetur i dëmtuar në fytyrë. Në lidhje me ngjarjen, Agjencia e Mbikëqyrjes në Sistemin e Ekzekutimit të Vendimeve Penale ka arrestuar në flagrancë një të dënuar, ndërsa një tjetër është proceduar penalisht në gjendje të lirë. Gjatë kontrolleve të ushtruara në dhomat e personave të përfshirë në konflikt, në dhomën e të arrestuarit është gjetur edhe një aparat celular, send i ndaluar në ambientet e burgut. Materialet proceduriale i janë dërguar Prokurorisë Pranë Gjykatës së Shkallës së Parë të Juridiksionit të Përgjithshëm Shkodër për vijimin e kryerjes së veprimeve të tjera proceduriale.