Aktivistët hedhin hi mbi komisionerin europian për Shëndetësinë në Bruksel
Aktivistët kanë hedhur hi mbi komisionerin europian për Shëndetësinë, Olivér Várhelyi, gjatë një samit për luftën kundër kancerit në Bruksel. Incidenti ndodhi kur dy aktivistë u ngjitën në skenë dhe hodhën një substancë gri mbi zyrtarin europian.

Aktivistët kanë hedhur hi mbi komisionerin europian për Shëndetësinë, Olivér Várhelyi, gjatë një samit për luftën kundër kancerit në Bruksel. Incidenti ndodhi kur dy aktivistë u ngjitën në skenë dhe hodhën një substancë gri mbi zyrtarin europian.
Aktivistët, që i përkasin organizatës franceze "Cancer Colère", deklaruan se protestonin kundër ligjit Omnibus dhe se këto ishin "hiri i njerëzve që ju do të vrisni me pesticide". Komisioneri europian largoi pluhurin nga rrobat dhe vijoi fjalimin e tij, duke deklaruar se ishte i habitur që në emër të viktimave të kancerit të shpërndahej hiri i njerëzve që kanë humbur jetën.
Incidenti është ndërprerë aktivitetin e samitit dhe aktivistët janë marrë dhe arrestuar. Protesta lidhet me propozimet e reja të Komisionit Europian për ndryshimin e rregullave mbi autorizimin dhe përdorimin e pesticideve në Bashkimin Europian. Organizata të shumta mjedisore dhe shëndetësore kundërshtojnë nismën, duke ngritur shqetësime për pasojat e mundshme në shëndetin publik.
Më shumë se 2 mijë shkencëtarë kanë firmosur një letër ku kërkojnë pezullimin e propozimit deri në kryerjen e një vlerësimi të pavarur të ndikimit të tij. Ndërkohë, më shumë se 300 organizata joqeveritare nga 25 vende europiane kanë paralajmëruar protesta kundër nismës më 24 nëntor, përpara Parlamentit Europian në Strasburg.