Politikë
Kryeministri Rama uron shqiptarët për Ditën e Alfabetit
Kryeministri Edi Rama ka uruar shqiptarët për Ditën e Alfabetit të Gjuhës Shqipe, duke iu referuar shkronjave shqipe si simbol i kujtesës dhe i së ardhmes së kombit.

Kryeministri Edi Rama ka ndarë një mesazh në rrjetet sociale me rastin e 22 Nëntorit, Ditës së Alfabetit të Gjuhës Shqipe. Ai ka zgjedhur të urojë qytetarët për këtë ditë të rëndësishme për historinë dhe identitetin kombëtar. Përmes një postimi në Facebook, kreu i qeverisë ka shkruar: “Në ditën e më të bukurave gërma, nën hijeshinë e së cilave jeton kujtesa e kombit tonë dhe frymon e ardhmja, ju uroj një të diel të qetë”.