Spahiu thirrje: Mos e digjni Shqipërinë si në 97-ën, dilni dhe mbroni Tiranën nga anarkia e lufta civile
Juristi Kreshnik Spahiu ka cilësuar alarmante situatën e krijuar pas protestave të dhunshme në Tiranë dhe ka thirrur kryeministrin, presidentin dhe liderët e partive opozitare të mblidhen dhe të gjejnë një zgjidhje për këtë situatë.
Për juristin Kreshnik Spahiu, nuk arrijnë zgjidhje politike për situatën në vend, Shqipëria mund të shkojë drejt anarkisë dhe luftës civile. Ai ka thënë se një situatë e tillë nuk ka ndodhur as në vitin e mbrapsht 1997, kur njerëzit kishin armë nëpër duar. Në atë kohë nuk u sulmuan banka e biznese private, siç ka ndodhur gjatë këtyre ditëve në Tiranë. Spahiu ka thënë se Shqipëria duhet të shkojë në luftë civile dhe këtu duhet të dalin e të marrin përsipër përgjegjësinë ata që janë përgjegjës. Ai ka bërë thirrje kryeministrit Edi Rama, Presidentit Bajram Begaj, krerëve të partive opozitare dhe shoqatave në vend, që të mblidhen, të lënë pas interesat dhe hatërmbetjet personale dhe të gjejnë një zgjidhje për këtë situatë. Spahiu ka thënë se kjo situatë nuk mban as 48 orë dhe nëse kriza nuk zgjidhet, vendi mund të shkojë drejt anarkisë, ç’ka sipas tij do të ketë pasoja për vite me radhë.