VIDEO/ Dy persona të paidentifikuar thyejnë xhamat e konviktit te Qyteti Studenti, frikë mes të rinjve: Nuk janë protestues!

Një ngjarje e rëndë dhe e dyshimtë është denoncuar nga studentët rezidentë në Qytetin Studenti në Tiranë, ku disa persona ende të paidentifikuar kanë sulmuar një prej godinave të konvikteve. Sipas pamjeve dhe denoncimit të mbërritur në redaksinë e BalkanWeb nga një student i akomoduar aty, personat kanë ardhur papritur dhe kanë nisur të thyejnë me sende të forta xhamat e godinës.

Fatmirësisht nga ky incident nuk raportohet për të lënduar në njerëz, por ngjarja ka mbjellë panik dhe frikë të madhe te studentët që ndodheshin brenda konviktit, ndërsa ngrihen dyshime mbi motive provokimi gjatë kësaj nate të tensionuar në kryeqytet.