Sociale
Studentët kundër studentëve: Konviktet në Qytetin Studenti sulmohen
Protestë të dhunshme në Tiranë, studentë të trembur në konviktet, shkatërrim dhe flakë në rrugët e qytetit.
Protestuesit kanë sulmuar mbrëmjen e sotme edhe konviktet në Qytetin Studenti, brenda të cilit ndodhen studentë. Situata brenda konvikteve është kaotike, ku studentët janë të trembur dhe të pambrojtur përballë agresionit. Tirana përjetoi kaos, flakë dhe shkatërrim për të tretën ditë radhazi, për shkak të protestës së dhunshme, e cila u shoqërua me pjesëmarrjen e qindra të miturve, të moshës 14 deri në 17 vjeç. Në krye të dhunës ishin të maskuarit, të cilët shkatërruan çdo gjë në rrugë, semaforë, tabela, kamera, kangjella e deri te sulmet e ashpra dhe djegiet ndaj bizneseve të vogla e të mesme.