Policia për pamjet e të ndaluarëve: Nuk janë në komisariat, por në një institucion shtetëror ku tentuan të hynin

Policia e Tiranës ka lëshuar një njoftim zyrtar për të sqaruar pamjet e të ndaluarëve në një video të publikuar në rrjetet sociale. Në njoftimin e tyre, ata sqarojnë se personat që shfaqen në pamje nuk ndodheshin në dhomat e shoqërimit të komisariatëve apo në ambientet e bllokut të sigurisë. Sipas tyre, videoja paraqet momentin e parë të neutralizimit të personave në flagrancë në një institucion shtetëror ku ata tentonin të hynin dhe sulmonin punonjësit e Policisë. Më pas, ata u shoqëruan në komisariat nga shërbimet e Policisë.