Arrestohen dy persona dhe procedohen 23 të tjerë për shkatërrimin e institucioneve në Korçë
Dy persona janë arrestuar në Korçë për shkatërrimin e institucioneve shtetërore dhe private, ndërkohë që 23 të tjerë janë proceduar penalisht për akte dhune ndaj policisë dhe subjekteve private.
Gjatë një tubimi i zhvilluar në Korçë, dhjetëra pjesëmarrës kanë ushtruar akte dhune, duke hedhur gurë dhe sende të forta drejt institucioneve shtetërore dhe pronave publike. Si pasojë, godinat e bashkisë Korçë, Drejtorisë Arsimore, universitetit “Fan. S. Noli” dhe gjimnazit “Raqi Qirinxhi” kanë qenë dëmtuar, si dhe kangjellat e trotuareve, tabelat e reklamave dhe sinjalistika rrugore.
Punonjësit e Policisë kanë përballur me akte dhune dhe kundërshtim, përmes hedhjes së gurëve dhe sendeve të forta nga grupe pjesëmarrësish të maskuar. Në vijim të veprimeve hetimore dhe procedurale të kryera në drejtimin e Prokurorisë së Korçës, u arrestuan në flagrancë shtetasit F. L., 21 vjeç, banues në Voskop dhe O. K., 19 vjeç, banues në Bilisht, si dhe u proceduan penalisht 23 shtetas (15 prej tyre të mitur).