17-vjeçari i kapur me kokainë në afërsi të një shkolle në Vlorë
17-vjeçari u kap në flagrancë afër një shkolle në Vlorë, ndërsa posedonte doza kokainë që dyshohet se i posedonte me qëllim shitjen. Ai kundërshtoi edhe efektivët e policisë gjatë ndalimit.
Një 17-vjeçar është vënë në pranga nga policia në qytetin e Vlorës. Arrestimi i tij ka ardhur pas se ai u kap me doza kokainë që dyshohet se i posedonte me qëllim shitjen. Arrestimi i tij mësohet se erdhi në afërsi të një shkolle, ku ai kundërshtoi edhe efektivët e policisë. Ai akuzohet për veprat penale “Prodhimi dhe shitja e narkotikëve” dhe “Kundërshtimi i punonjësit të policisë së rendit publik”.
Policia e Vlorës vazhdon të kryejë kontrollin dhe veprimet hetimore në kuadër të operacionit “Shkolla të pastra”, me qëllim parandalimin dhe goditjen e veprimtarive kriminale që lidhen me narkotikët, veçanërisht në mjediset pranë institucioneve arsimore.