Arrestohet 44-vjeçari i dënuar për vrasje, i gjetën armë dhe kokainë në banesë
Policë arreston një 44-vjeçar në Tepelenë, i dënuar për vrasje, pas kontrollit në banesë ku u gjetën armë dhe kokainë.
Policia ka finalizuar operacionin e koduar “Historiku” në Tepelenë, ku është arrestuar në flagrancë një 44-vjeçar, i dënuar më parë për vrasje, pasi gjatë kontrolleve iu gjetën armë dhe lëndë e dyshuar narkotike në banesë. Në pranga ka rënë shtetasi S. L., banues në Tiranë.
Gjatë kontrollit në një banesë tjetër të tij, në fshatin Majkosh, Tepelenë, u konstatua se ai mbante pa leje një armë zjarri, tip pistoletë, së bashku me municion, si dhe një armë sportive. Gjithashtu, gjatë kontrollit në banesë u gjet dhe u sekuestrua një sasi lënde e dyshuar narkotike kokainë.
Operacioni u zhvillua nga specialistët për Hetimin e Narkotikëve, në bashkëpunim me Sektorin Operacional dhe shërbimet e Komisariatit të Policisë Tepelenë. Sipas autoriteteve, kontrollet u intensifikuan me synim mbikëqyrjen e personave me precedentë penalë dhe parandalimin e ngjarjeve kriminale. Materialet procedurale i janë referuar Prokurorisë për veprime të mëtejshme.