Policë dhe civilë arrestojnë me dhunë një adoleshent në Korçë

Pamje të rënda vijnë nga Korça. Një adoleshent është shoqëruar në komisariat në mënyrë të dhunshme. Policë dhe civilë kanë marrë për krahu të riun, teksa përpiqen ta dërgojnë drejt furgonit policor. Forca e ushtruar ndaj tij ishte aq e madhe, sa ia grisin edhe bluzën. Gjatë shoqërimit pranë furgonit të policisë, një nga efektivët i thotë “Ule kokën”. Vetë adoleshenti kundërshtoi shoqërimin, duke u shprehur se nuk ka bërë asgjë. Avokati i të riut tha se adoleshenti duhej të merrej paqësisht dhe jo në mënyrë të dhunshme.