Gjykata caktoi masat për protestuesit, flet avokati: E vetmja provë që u përmend ishte pjesëmarrja

Avokati Marash Logu tha se sipas tij e vetmja provë që prokurorja relatoi ishte pjesëmarrja në protestë, e cila nuk përbën vepër penale. Ai tha se për asnjë prej të arrestuarve nuk kishin prova që kishin kryer veprimtari të paligjshme.

Avokati Adriana Kalaja tha se personat që dolën para gjykatës, ishin studentë që sipas saj paraqitën prova dhune ndaj tyre nga policia. Ajo tha se një pjesë e konsiderueshme studentë, por marr rastin Klevis Metës dhe Xhejson Patokut, që është student ekselent i fizikës, dëshmoi para gjykatës, dispononte edhe prova për dhunë ekstreme, për shkelma. Ajo tha se kishte shenja evidente në fytyrë.

Kalaja tha se një ditë pas protestës, ajo depozitoi në SPAK kallëzim penal për dhunën e ushtruar, duke filluar nga ministri i Brendshëm, drejtori i Përgjithshëm i Policisë, drejtori i Tiranës, shefat e komisariateve 1, 2, 3, 4, 6, drejtori i Mbikëqyrjes Policore dhe personat e tjerë që kanë lidhje me konsumimin e veprave penale. Ajo tha se sot ajo erdhi me një kallëzim të ri shtesë, ku ajo referoi të gjitha veprat penale të dhunës barbare të bërë nga datë 14 e deri më sot, pasi kemi prova të mjaftueshme.