Aktualitet
Përplasje mes policisë dhe protestuesve në Lezhë, disa të lënduar!
Protesta në Lezhë, përplasje mes policisë dhe të rinjve, të lënduar dhe një i ri humb ndjenjat.
Në qytetin e Lezhës, situata po vijon ende e tensionuar teksa të rinjtë janë përplasur herë pas here me policinë. Bëhet me dije se një person ka humbur ndjenjat në trotuar teksa dy vajza të tjera kanë marrë dëmtime nga përplasja me policinë. Protestuesit deklarojnë se policia i ka dhunuar me shkopinj gome. Ata gjithashtu kanë shkulur kangjellat e trotuarit dhe kanë dëmtuar sinjalistikën rrugore. Në hyrje të qytetit ata kanë ndezur një zjarr të madh duke bllokuar përkohësisht qarkullimin.