Protestuesit marshojnë sërish drejt Ministrisë së Arsimit: Poshtë qeveria!

Protestuesit kanë rinisur marshimin drejt Ministrisë së Arsimit, pasi kanë përshkuar disa nga rrugët e Tiranës, duke shoqëruar lëvizjen me thirrje kundër qeverisë. “Rama jep dorëheqjen!”, “Poshtë qeveria!”, ishin disa nga thirrjet e protestuesve, të cilët vijojnë të kërkojnë largimin e kryeministrit Edi Rama. Marshimi zhvillohet në kuadër të protestave të studentëve, gjimnazistëve dhe qytetarëve, që prej ditësh po kërkojnë ndryshime dhe dorëheqjen e kreut të qeverisë.