Balla përgëzon Policinë dhe Prokurorinë për goditjen e grupit kriminal që furnizonte protestuesit me lëndë zjarrvënëse

Kryetari i Grupit Parlamentar të Partisë Socialiste, Taulant Balla, ka përgëzuar Policinë e Shtetit dhe Prokurorinë për goditjen e një grupi kriminal, i cili, sipas tij, zotëronte një depo që furnizonte personat e maskuar dhe të dhunshëm gjatë protestave të tri ditëve të fundit me lëndë zjarrvënëse.

Përmes një reagimi, Balla thekson se të gjithë personat përgjegjës për aktet e dhunës dhe zjarrvëniet duhet të përballen me drejtësinë.

“Kushdo që ka djegur dhe dhunuar duhet të vendoset para drejtësisë”, shprehet Balla, duke vlerësuar punën e institucioneve ligjzbatuese në goditjen e këtij aktiviteti kriminal.