Protestuesit ulen në tokë para autobotit të ujit pas përplasjeve te Ministrisë së Arsimit

Pas valëve të dhunës, përdorimit të ujit me presion dhe hedhjes së gazit lotsjellës nga forcat e rendit, situata para Ministrisë së Arsimit ka marrë një trajtë të re qëndrese paqësore por të tensionuar. Të rinjtë dhe protestuesit e pranishëm janë ulur në tokë dhe kanë qëndruar në këmbë rreth e rrotull, duke bllokuar rrugën përballë një autoboti të ujit dhe trupave të shumta të policisë. Përmes thirrjeve të njëzëshme, ata i janë drejtuar efektivëve të policisë me mesazhin: “Polici këtu na ke, shiko krimin e jo ne!”