VIDEO/ S’ka fund dhuna në protestë! Policia përplas përtokë të riun në Rrugën e Durrësit
Protesta para Ministrisë së Arsimit vazhdon, ndërsa një pamje e rëndë është regjistruar në Rrugën e Durrësit. Policia ka përplasur një përtokë të riun, i cili qëndronte i palëvizur në rrugë.
Pamje të rënda janë regjistruar gjatë protestës para Ministrisë së Arsimit, në ditën e katërt të saj. Në një moment tensioni në Rrugën e Durrësit, një efektiv policie shihet duke goditur dhe përplasur dhunshëm përtokë një të ri, i cili, sipas pamjeve, qëndronte i palëvizur në rrugë.
Goditja bën që i riu të rrëzohet me forcë në tokë, ndërsa pak çaste më vonë, disa efektivë të tjerë e rrethojnë. Protesta vijon prej orësh, ndërsa gjatë ditës së sotme janë shoqëruar disa persona, kryesisht të rinj. Gjithashtu, policia ka përdorur disa herë gaz lotsjellës ndaj protestuesve, ndërsa rrethanat e ndërhyrjeve dhe veprimet e palëve mbeten për t’u dokumentuar plotësisht.