Aktualitet
Luiza Gega: Uniforma e Policisë shtetit duhet të jetë simbol i sigurisë, jo i frikës dhe dhunës
Luiza Gega, një nga emrat më të njohur në atletikën shqiptare, ka shprehur tmerr për situatën e krijuar gjatë protestave studentore dhe dhunën e ushtruar nga policia.
Kolonelja e Forcave të Armatosura të Shqipërisë ka bërë një postim në rrjetet sociale, ku shprehet e tmerruar për atë që ka parë këto ditë. "Kam pasur dhe vazhdoj të kem shumë respekt për uniformën e Policisë shtetit. Por ajo që kam parë këto dy ditë është zhgënjyese. Uniforma duhet të jetë simbol i sigurisë dhe mbrojtjes, jo i frikës dhe dhunës ndaj gjimnazistëve dhe të rinjve që kërkojnë të dëgjohet zëri i tyre", shkruan Gega.