"Drejtuesi i Rendit: 127 arrestime, 244 procedime gjatë protestës, 120 policë të plagosur"

Drejtori i Departamentit për Rendin dhe Sigurinë Publike, Dhimitraq Ziu, ka deklaruar se deri tani janë arrestuar 127 persona dhe 244 të tjerë janë proceduar për ushtrim dhunë ndaj policëve dhe shkatërrim të pronës private dhe shtetërore gjatë protestave. Nga dhuna e ushtruar ndaj punonjësve të Policisë janë dëmtuar deri tani 120 policë.

Durrës, 23 persona janë arrestuar dhe 12 të tjerë janë proceduar. Në Korçë, 2 persona janë arrestuar dhe 27 të tjerë janë proceduar. Në Vlorë, 20 persona janë proceduar për pengim të procesit mësimor, kundërshtim të policisë dhe goditje të një fasade institucioni. Në Kukës, 10 persona janë proceduar.

Gjatë monitorimit, janë identifikuar disa kanale dhe grupe kriminale ku janë shpërndarë mesazhe me përmbajtje kriminale, thirrje për kryerjen e akteve ekstreme dhe terroriste, si dhe kërcënime ndaj jetës së policëve. Është regjistruar procedim penal.