Koçiu: Shqipëria s’mund të mbahet peng nga dhuna e maskat

Zëvendëskryeministrja Albana Koçiu deklaroi se ajo që po ndodh në Tiranë është e papranueshme dhe se Shqipëria nuk mund të mbahet peng nga dhuna dhe maskat. Ajo tha se institucione të djegura, biznese të shkatërruara, qytetarë të terrorizuar dhe punonjës policie të sulmuar janë rezultat i veprimeve të papranueshme të disa personash. Koçiu deklaroi se studentët nuk shkatërrojnë konviktet, nuk frikësojnë bashkëmoshatarët, nuk dhunojnë shkollat dhe vendin e tyre. Ajo tha se shteti do të mbrojë qytetarët dhe çdo akt dhune do të hetohet deri në fund.