Dy efektivë policie pezullohen nga detyra pas dhunës ndaj të rinjve
Dy punonjës policie janë pezulluar menjëherë nga detyra pas një incidenti në Tiranë, ku u shfaqën në video në rrjetet sociale duke tejkaluar detyrën dhe parimin e proporcionalitetit gjatë ndërhyrjes në një protestë.
Drejtori i Policisë së Shtetit, Skënder Hita, ka urdhëruar pezullimin menjëherë nga detyra të dy punonjësve të Policisë, Inspektor E. P. dhe Inspektor T. Ç., me detyrë në Patrullën e Përgjithshme në Komisariatin e Policisë Nr. 3 në Tiranë. Njëkohësisht, Drejtori i Përgjithshëm i Policisë ka urdhëruar Drejtorinë e Standardeve Profesionale për nisjen e menjëhershme të hetimit disiplinor për dy punonjësit e Policisë. Policia e Shtetit garanton qytetarët se nuk do të tolerojë asnjë rast dhune apo tejkalimi të detyrës nga ana e punonjësve të Policisë. Përgjegjësia është individuale, por veprime të tilla cenojnë rëndë imazhin e Policisë dhe besimin e qytetarëve.