Pamjet e dhunës ndaj të rinjve në protestë, pezullohen nga detyra dy efektivët e Komisariatit Nr.3

Policia e Shtetit ka reaguar në mënyrë zyrtare pas publikimit në rrjetet sociale të disa videove që tregojnë dhunën ndaj të rinjve në një protestë në Tiranë. Me urdhër të Drejtorit të Përgjithshëm të Policisë shtetërore, Skënder Hita, dy efektivët janë pezulluar nga detyra.

Inspektor E. P. dhe Inspektor T. Ç., të dy me detyrë në Komisariatin e Policisë Nr. 3 në Tiranë, janë të pezulluar nga detyra për shkak të veprimeve të tyre të padrejta ndaj të rinjve në protestë. Më tej, Drejtori i Standardeve Profesionale i ka urdhëruar të nisë hetimin disiplinor ndaj tyre.