Dy oficerë të policisë pezullohen nga detyra përtej një dite për shkelje të detyrës
Dy oficerë të policisë janë pezulluar nga detyra për shkelje të detyrës dhe tejkalim të kompetencave gjatë një tubimi në Tiranë.
Policia e Shtetit ka pezulluar nga detyra dy punonjës të Patrullës së Përgjithshme në Komisariatin Nr. 3 në Tiranë, pas publikimit të videove në rrjetet sociale, ku ata shfaqen duke tejkaluar kompetencat gjatë ndërhyrjes në një tubim. Për rastin është urdhëruar edhe nisja e hetimit disiplinor.
Sipas reagimit zyrtar të Policisë së Shtetit, vendimi është marrë nga Drejtori i Përgjithshëm i Policisë, Skënder Hita, menjëherë pas publikimit të pamjeve që, sipas institucionit, tregojnë tejkalim të detyrës dhe shkelje të parimit të proporcionalitetit gjatë ndërhyrjes në tubimin e zhvilluar në Tiranë.
Dy punonjësit e pezulluar janë identifikuar me inicialet E. P. dhe T. Ç., të cilët shërbenin në Patrullën e Përgjithshme, pranë Komisariatit të Policisë Nr. 3, Tiranë.
Krahas pezullimit të menjëhershëm, Drejtori i Përgjithshëm ka urdhëruar Drejtorinë e Standardeve Profesionale të nisë hetimin disiplinor për të dy efektivët, me qëllim shqyrtimin e veprimeve të tyre gjatë ndërhyrjes.