Protestat në Francë, një sfidë për qeverinë dhe Eurozonën

Protestat në Francë janë në rritje, me studentë dhe sindikatat e punëtorëve që bëjnë barrikada dhe protestojnë në rrugë. Kryeministri Sebastien Lecornu sugjeron se zemërimi i studentëve po manipulohej politikisht, në prag të zgjedhjeve presidenciale të vitit të ardhshëm.

Aktivistët e Jelekëve të Verdhë, një grup që proteston kundër rritjes së kostos së jetesës, kanë përdorur Instagramin për të inkurajuar njerëzit që t’i bashkohen demonstratave të së shtunës. “Protestat duhet t’i japin zë atyre që duan një jetë dinjitoze dhe që nuk duan më të numërojnë çdo qindarkë, apo të zgjedhin mes ushqimit apo makinës”, ka thënë një aktivist.

Sipas ekonomistes Anne Laure Delatte, situata e Francës ngjason më tepër me Britaninë e vitit 2023, kur kryeministre ishte Liz Truss dhe kur i ashtuquajturi buxheti i vogël i qeverisë çoi në rënien drastike të paundit, rritje të bondeve qeveritare dhe të kuotave të hipotekës.

Motoja kombëtare e Francës është “Liri, barazi, vëllazëri”, por kjo nuk është ndjesia që vendi të përcjell kur sheh rrugët e mbushura me protesta dhe videot virale në rrjetet sociale.