Protestuesit me strategji tjetër, gazetari zbulon detajet: Të përgatitur për rezistencë

Gazetari Eni Ferhati raportoi se, protestuesit që qëndrojnë përballë togave të policisë janë të pajisur me maska kundër gazit dhe tashmë kanë një strategji të re për të respektuar qëndrimin e tyre. Këta protestues janë zhvendosur në bulevardin “Dëshmorët e Kombit”, pranë Kryeministrisë.

Pavarësisht se policia po vijon të hedhë shumë gaz lotsjellës dhe ujë në drejtim të tyre, protestuesit sot kanë ardhur me një strategji tjetër. Kështu, hedhja masive e gazit nga policia nuk po i largon ata nga vendi ku po qëndrojnë.

Mesa duket, ky grup është i vendosur të qëndrojë për të bërë rezistencë. Pak para se policia të ndërhynte, një grup kreu akte dhune te Kullat Binjake.