Demo: 156 të lënduar nga protestat në 4 ditë, mos lejoni fëmijët të përdoren në akte dhune

Ministri i Punëve të Brendshme, Ervin Demo, ka reaguar sërish lidhur me protestat dhe incidentet e dhunshme të regjistruara gjatë katër ditëve të fundit. Përmes një deklarate, Demo ka bërë një bilanc duke bërë të ditur se 156 persona kanë mbetur të lënduar, mes tyre 97 efektivë policie, 45 protestues dhe 12 kalimtarë.

Ministri u ndal veçanërisht te përfshirja të miturve në këto përleshje dhe thekson se katër të mitur janë në mesin e të lënduarve. Ai i cilësoi ngjarjet si pjesë të një përpjekjeje për të marrë pushtetin përmes dhunës, ndërsa theksoi se, sipas tij, këta akte nuk do të ndalin rrugëtimin e Shqipërisë drejt Bashkimit Europian.

Demo ka bërë thirrje prindërve që të mos lejojnë fëmijët në akte dhune. Ai i cilësoi përdorimin e të miturve në akte politike si një poshtërsi, e cila nuk duhet të kalojë pa u vënë re e pa u përbuzur nga e gjithë shoqëria shqiptare. Ai ka porositur vazhdimisht forcat e policisë që të tregojnë kujdes të veçantë me të miturit dhe ka refuzuar të barazojë studentët me ata që zgjedhin dhunën.