Avokati i Popullit: Ankesa për dhunë policore dhe kushte të papranueshme në komisariate gjatë protestave

Avokati i Popullit, Endri Shabani, ka bërë një deklaratë për mediat duke njoftuar se në 72 orët e fundit janë kontaktuar 214 persona të privuar nga liria, dhe janë evidentuar ankesa për ushtrim dhune nga punonjës policie, mungesë të kujdesit mjekësor dhe shkelje të të drejtave të të miturve.

Shabani ka ngrir gjithashtu shqetësime për kushtet në ambientet e shoqërimit dhe paraburgimit, duke kërkuar identifikimin e plotë të efektivëve të policisë dhe përmirësimin e menjëhershëm të kushteve të qëndrimit.

Në këtë kuadër, Shabani ka raportuar se në 72 orët e fundit ekipet e Avokatit të Popullit kanë qenë të pranishme në komisariatet nr. 1 deri nr. 6 në Tiranë, në Bllokun e Sigurisë, në Spitalin e Traumës, si dhe në komisariatet e Korçës, Vlorës dhe Shkodrës.

Shabani ka përmendur se në 72 orët e fundit kemi kontaktuar 214 persona të privuar nga liria, dhe kemi biseduar konfidencialisht me të shoqëruar, të arrestuar, të lënduar, me mjekë dhe psikologë. Në Spitalin e Traumës, më 14 dhe 15 tetor, kanë marrë shërbim 128 persona: 86 punonjës policie, 38 protestues dhe 5 të mitur.

Shabani ka theksuar se çdo person që ka pësuar dhunë ose dëm, qytetar, protestues, pronar biznesi apo punonjës policie, mund t’i drejtohet Avokatit të Popullit. Avokati i Popullit do të vazhdojë monitorimin në terren.