Bashkia e Vlorës blindohet, vendosen hekura në dyert kryesore dhe dritare

Bashkia e Vlorës është blinduar, duke vendosur hekura mbrojtës në dyert kryesore të godinës dhe në dritaret e katit të parë. Vendosja e barrierave fizike në hyrjet dhe dritaret e institucionit vjen në një kohë kur protestat studentore vijojnë, ndërsa situata në qytet mbetet e tensionuar. Protestat e studentëve në qytetin e Vlorës kanë vazhduar për dy ditë, duke përfshirë në itinerarin e marshimit të tyre edhe godinën e Bashkisë, ku kanë kërkuar mbështetje për kauzën e tyre.