Protestuesit zhvendosen para Kryeministrisë, policia tërhiqet nga bulevardi

Protestuesit kanë mirëpritur hapësirën e krijuar për të marshuar drejt Kryeministrisë, ndërsa autoboti me ujë qëndron ende në krah të institucionit. Me duartrokitje dhe thirrjet "Rama, jep dorëheqjen", protestuesit janë pozicionuar para godinës së Kryeministrisë.

Zhvendosja vjen pas bisedimeve të zhvilluara në mënyrë paqësore mes protestuesve dhe efektivëve të policisë. Uniformat blu kanë vendosur një kordon përpara institucionit, por deri në këto momente nuk raportohen incidente.