Balliu: Protestuesit ishin organizuar nga Edi Rama dhe banditë e tjerë, përdorën partinë e ‘Qorrave’

Deputeti i Partisë Demokratike, Klevis Balliu, ka reaguar pasi u përzu mbrëmjen e sotme nga protesta dhe u detyrua të shpëtonte përmes Lanës për t'i shpëtuar sulmeve të protestuesve të maskuar. Përmes një video-mesazhi Balliu shprehet se është e vërtetë që ka pasur një përballje dhe janë sulmuar disa qytetarë. Ai thotë se incidenti ishte i mirëorganizuar nga Qeveria dhe Policia, duke përdorur sipas tij aktivistë të partisë Lëvizja Bashkë të Arlind Qorit, të cilët sipas tij janë në shërbim të mazhorancës. Teksa shprehet se qeveria socialiste është në ditët e saj të fundit, Balliu thekson se nuk ka skemë të kryeministrit Edi Rama që ta ndalojë të përballet me qeverinë. Balliu thekson se nuk ka diskutim që njësoj si gjithë të tjerët ata do të marrin përgjigjen e merituar, siç kanë marrë shpesh herë çdo bandit që ka dhunuar dhe ka guxuar të përplaset me qytetarët e lirë të këtij vendi. Ai shtohet se nuk ka skemë të Operacionales, të Edi Ramës, apo të Qorrave që do të vihen para përgjegjësisë, që do mund të më ndalojnë mua, PD-në apo cilindo demokrat që të mbështesin me të gjitha fuqitë studentët që po përballen me narko-regjimin e Edi Ramës.