Policët përplasin në tokë një student 21-vjeçar dhe e dhunojnë

Deputeti i Partisë Mundësia, Kapri, ka treguar se një student 21-vjeçar është në një gjendje shëndetësore të rënduar pasi u përplas në tokë dhe u dhunua nga policia. Studenti ka dëmtime në kokë dhe kurriz dhe është në shok psikologjik.

Kapri ka treguar se studenti u paraqit në spital vetëm pasi prindërit e tij gjetën në Komisariatin e Policisë dhe ngritën shqetësime serioze për përkeqësimin e shëndetit të tij. Mjekët më thanë që e kishin parë videon më herët dhe e prisnin të vinte në spital dhe po vononte. Ai ka dëmtim të pjesës së pasme, të kurrizit dhe të kokës, por mjekët garantojnë se do ta marrë veten shpejt.

Studenti, i cili studion për Klinikë Dentare, është i njëjti që fillimisht hapi çantën përpara policëve dhe po tregonte që në të kishte vetëm librat e shkollës. Ai është i njëjti që po u tregonte policëve që prindërit e tij janë të papunë, por nuk marrin asistencë dhe duhet të gjejë 3 milionë lekë të paguajë tarifën e shkollës, që kishte tentuar disa herë të ikte jashtë vendit.

Ministri Demo u vetëkënaq vetëm me pezullimin e policëve ndërkohë që nuk ka guxim të japë dorëheqjen ai dhe kryeministri, të cilët janë përgjegjës për këtë dhunë të pashembullt që po ndodh nga policia e shtetit.