Mourinho: Vinicius do ta kisha larguar verën e kaluar nëse…

Trajneri i Real Madridit, José Mourinho, ka folur për sfidën ndaj Sevillas, formën e Vinicius Junior, potencialin e Arda Güler dhe konkurrencën për një vend në formacion. Ai vlerësoi gjithashtu Sevillan dhe punën e trajnerit Luis García, duke nënvizuar se kundërshtari ka konkurruar mirë edhe në ndeshjet që ka humbur.

Mourinho pranoi se disa prej lojtarëve që kanë pasur më shumë minuta në fushë janë të lodhur, por theksoi se ka mundësi të bëjë ndryshime në formacion. Ai vlerësoi gjithashtu Vinicius Junior si një lojtar spektakolar dhe një person me të cilin është e lehtë të krijosh marrëdhënie.

Megjithatë, ai pranoi se në vendin e brazilianit do ta kishte pasur të vështirë të përballonte gjithçka që ka kaluar lojtari. "Po të isha unë, ndoshta nuk do të isha këtu. Verën e kaluar, do ta kisha detyruar veten të transferohesha në një klub dhe stadium që e respektoj", deklaroi trajneri, duke shtuar se Vinicius zgjodhi të qëndronte te Reali sepse beson se situata mund të përmirësohet.

Mourinho theksoi se braziliani gëzon marrëdhënie të mira me shokët e skuadrës dhe se vazhdon të ruajë pozitivitetin, pavarësisht presionit të jashtëm. Ai komentoi edhe pezullimin prej katër ndeshjesh të Viniciusit, duke pranuar se kishte menduar se dënimi mund të ishte më i gjatë.