Sociale
Studentët e Mjekësisë marshojnë drejt Ministrisë së Arsimit me thirrjen për dorëheqjen e Rama
Studentët e Mjekësisë janë nisur në marsh në Tiranë për të protestuar kundër qeverisë dhe të kërkojnë dorëheqjen e kryeministrit Edi Rama.
Ka nisur marshimi i studentëve të Mjekësisë në Tiranë, të cilët ndodhen aktualisht në zonën e 9-katësheve dhe po vijojnë lëvizjen drejt Ministrisë së Arsimit. Studentët pritet të ndalen para godinës së ministrisë, ku do të vijojnë protestën kundër qeverisë. Thirrja e tyre kryesore mbetet dorëheqja e kryeministrit Edi Rama, kërkesë që po artikulohet prej ditësh edhe nga protestues të tjerë në kryeqytet dhe qytete të vendit.