Trump heq dorë nga zbatimi i sanksioneve ndaj Rusisë

Presidenti i Shteteve të Bashkuara, Donald Trump, ka anuluar pothuajse të gjitha sanksionet dhe tarifat që ishin përfshira në një ligj dypartiak që synonte ta shtoste trysninë ndaj Rusisë për t’i dhënë fund luftës kundër Ukrainës. Vendimi i Trumpit ka ngritur pikëpyetje nëse administrata e tij synon ta përdorë trysninë ekonomike që Kongresi kërkoi ta ushtronte ndaj Moskës për ta detyruar atë t’i japë fund luftës.

Ligji, i njohur si Akti i vitit 2026 për Sanksionimin e Rusisë dhe Iranit, u nënshkrua në ligj nga Trump në shtator dhe synonte t’i jepte administratës amerikane më shumë mjete trysnie ndaj presidentit rus, Vladimir Putin. Ai autorizonte vendosjen e tarifave deri në 100 për qind ndaj blerësve kryesorë të naftës dhe gazit rus, përfshirë Kinën dhe Indinë, si dhe parashikonte sanksione ndaj zyrtarëve rusë, institucioneve financiare dhe të ashtuquajturës flotë në hije të Rusisë.

Vendimi i Trumpit për t’i pezulluar këto masa ka ngritur pikëpyetje nëse administrata e tij synon ta përdorë trysninë ekonomike që Kongresi kërkoi ta ushtronte ndaj Moskës për ta detyruar atë t’i japë fund luftës. Mykola Murskyj, drejtor i avokimit në organizatën joqeveritare me bazë në SHBA, Razom for Ukraine, tha se Trumpi e ka shpërdoruar një mundësi për ta shtuar trysninë ndaj Putinit.

Vendimi i Trumpit ka ngritur gjithashtu pikëpyetje lidhur me shpjegimin që administrata e Trumpit i ka dhënë Kongresit për heqjen dorë nga dispozitat për sanksionet dhe tarifat. Max Meizlish, ish-zyrtar në Zyrën për Kontrollin e Aseteve të Huaja të Departamentit amerikan të Thesarit, tha se arsyetimi i administratës është tashmë çështja kryesore.