Princ Leka: Oborri Mbretëror qëndron në krah të studentëve, zëri i të rinjve të dëgjohet

Princ Leka Zogu ka dalë me një reagim në rrjetet sociale lidhur me protestat e studentëve që po zhvillohen prej disa ditësh në Tiranë dhe disa qytetet të vendit. Ai shkruan se oborri Mbretëror qëndron në krah të studentëve shqiptarë në ushtrimin e së drejtës së tyre për të protestuar.

Në reagim, ai i bën thirrje Policisë së Shtetit të tregojë përmbajtje dhe profesionalizëm dhe se çdo sjellje e papërshtatshme duhet të bëhet objekt i llogaridhënies. Ai deklaron se oborri Mbretëror ka ndjekur me kujdes të gjitha aktet e dhunës dhe denoncimet për keqtrajtimin e të rinjve dhe të miturve, si në rrugë, në furgonët e policisë, ashtu edhe në komisariate. Ai ndihet i shqetësuar për sigurinë e tyre dhe deklaron se çdo veprim është dokumentuar përmes videove dhe fotografive.

Princ Leka i nxis studentët t’i bëjnë të njohura shqetësimet e tyre edhe përtej kufijve të Shqipërisë, duke informuar komunitetin ndërkombëtar dhe duke përcjellë me vërtetësi dhe përgjegjësi atë që shohin dhe përjetojnë në terren. Ai deklaron se zëri i tyre duhet të dëgjohet dhe realiteti të pasqyrohet me ndershmëri.

Gjithashtu, ai i bën thirrje Policisë shtetit të tregojë përmbajtje dhe profesionalizëm dhe se çdo sjellje e papërshtatshme duhet të bëhet objekt i llogaridhënies. Ai deklaron se autoritetet kanë detyrimin të mbrojnë qytetarët, jo t’i intimidojnë apo të përshkallëzojnë tensionet përmes përdorimit të tepruar të forcës.

Princ Leka deklaron se protesta paqësore duhet të shoqërohet edhe me përgjegjësi dhe se dhuna dhe dëmtimi i pronës private janë të papranueshme dhe cenojnë legjitimitetin e çdo kauze të drejtë. Ai bën thirrje për qetësi, dialog dhe respektim të të drejtave themelore dhe deklaron se zëri i të rinjve shqiptarë duhet të dëgjohet dhe e ardhmja e tyre të mbrohet.