Protesta në Korçë, një grup i vogël qytetarësh marshon në Pedonale dhe ndalet para Bashkisë

Një grup i vogël protestuesish kanë marshuar në qytetin e Korçës, duke nisur lëvizjen nga Monumenti i Luftëtarit Kombëtar përgjatë Pedonales dhe duke përfunduar përpara godinës së Bashkisë. Protestuesit kanë përshkuar një pjesë të Pedonales së qytetit, ndërsa më pas janë ndalur para institucionit të Bashkisë së Korçës. Ndërkohë i pranishëm ishte dhe një mësues gjimnazi në mbështetje të gjimnazistëve, ndërsa i këshillon të mos kryejnë akte dhune por të protestojnë paqësisht. Tubimi vjen në kuadër të protestave që po zhvillohen në vend, ndërsa edhe qytete të tjera janë përfshirë në lëvizjet e ditëve të fundit.